joe said cartoon

Theddid lil Joe Said

Jien mingħalija li fl-2008 f'Malta Ewropea konna qed ngħixu fi stat ta' demokrazija. Joe Said ikkritika b'mod, fl-opinjoni tiegħi, apert fejn kulħadd seta' jikkontesta dak li kien qed jgħid. Lil min akkuża seta' jiċħad probabbli anke fuq l-istess programmi li fihom Said akkuża. Said qal li waqqfuh xi nies u heddewh. Ma naħsibx li għandna għalfejn niddubitaw minn din id-dikjarazzjoni. Ma' naħsibx li s-Sur Said għandu bżonn xi glorja jew pubbliċita'. X'għamlu n-nazzjonalisti, barra l-allegata korruzzjoni li jsemmi Said, biex huwa jibbumbardjahom b'dan il-mod ma nafx. Jista' jkun hemm mottivi personali biss il-każi ta' allegata korruzzjoni sa issa għadha ma ġietx ikkontestata u l-aktar li hu rrabjat għax mid-dehra l-Prim Ministru ma riedx jiltaqa' miegħu. Din tat-theddid ma nafx x'kellhom x'jambuha n-nies li heddew lil Said. Jekk deherilhom li qed jgħid il-ħmerijiet messhom kitbu, tkellmu, stqarrew u oħrajn biex juru li Said mhux korrett. Hekk titlob id-demokrazija u hekk jitlob pajjiż fl-Ewropa!!! Interessanti kieku nkunu nafu n-nies li marru jhedduh marrux min jeddhom jew kinux imqabbda? Jidher li Joe Said issa jrid ikun ippreparat għal aktar attakki speċjalment la jiġi żvelat il-każ ġdid ta' allegata korruzzjoni li tiegħu hawn min għandu rekordings. Issa jmiss inkunu nafu min hu, Sur Said!!!!

Standards Ewropej

Dan li qed taraw huwa kartellun imwaħħal f'post fejn kien qed isir proġett ta' restawr f'Ruma. Dan juri min hu inkarigat fost oħrajn mis-saħħa u s-sigurta' fuq is-sit; kemm se jiswa l-proġett u meta se jitlesta. Ukoll kemm se jiswa!!!!! Żgur li jekk ikollna nagħmlu dawn il-bords fejn proġett Maltin nagħmluhom biex indaħħku n-nies bina għax il-proġetazzjonijiet qatt ma nilħquhom. Ħasra li nistħajluna Ewropej f'kollox imma mbagħad ma nżommux ma' standards bħal dawn.

Alfred Sant u l-media

Dalgħodu qrajt l-artiklu fuq il-faċċata ta' quddiem ta' The Sunday Times fejn Herman Grech qal li x'aktarx l-elezzjoni ssir fit-8 ta' Marzu ma' l-elezzjoni tal-kunsilli lokali. Fl-artiklu ssemma' Dr Alfred Sant u reġa' ssemma' x'kien l-inkwiet mediku tiegħu. Jien ma nistax nifhem u qatt ma fhimt mill-bidu ta' din is-saga għaliex in-nies, ġurnalisti u oħrajn riedu bilfors ikunu jafu eżatt x'ġara lil Alfred Sant. Ma setax Herman Grech għamel referenza għal major surgery? Kien hemm għalfejn jerġa' jsemmi għaliex din saret? X'relevanza għandu dan kollu issa? Lanqas meta kien marid Eddie Fenech Adami ma kienet biċċa tan-nies. Qal x'ġara għax ried u għamel sew jekk ħass li għandu jgħid. Biss ma nafx għalfejn kull darba rridu noqogħdu nirrepetu x'ġara f'Diċembru lil Alfred Sant. Kull meta naqra dawn l-affarijiet inħossni qed naqra l-fajl mediku privat li mhux suppost ġie f'idejja. Mhux aħjar nawguraw lil Alfred Sant fejqan ta' malajr u nkomplu b'xogħolna?

Pjan għal Sant Iermu

Nilqgħu b'ferħ il-pjan tal-Gvern bl-intenzjoni li jintranġa Sant Iermu. Wara snin mitluq, din il-ġawhra forsi ser tieħu r-ruħ. Bħalissa t-telqa f'Sant Iermu tidher fir-ritratt t'hawn isfel. Ma naħsibx li kien hemm għalfejn Sant Iermu jasal f'dan l-istat biex jiċċaqlaq xi ħadd u jirranġah. Biss bħalma jgħidu l-Ingliżi better late than never. Nisperaw li dan il-pjan jitwettaq wara l-elezzjoni u mhux jibqa' miktub biss. Ħasra tara bini storiku mitluq f'pajjiż Ewropew fl-2008.

Appell ta' tifel Iranjan

Fil-paġna Mid-dinja tax-xogħol ta' Joellson Bezzina fuq l-orizzont tal-11 ta' Jannar sibt artiklu vera nteressanti. Jitkellem dwar trejdunjonista Iranjan li ilu mid-9 ta' April tas-sena l-oħra l-ħabs minħabba l-ħidma tiegħu favur il-ħaddiema u d-drittijiet umani. Amnesty International tkellmet fuq il-każ u qalet li Mahmoud Salehi huwa prisoner of conscience.

Fl-artiklu ta' Bezzina hemm ittra tat-tifel ta' Salehi li qed jagħmel appell internazzjonali għall-għajnuna biex missieru jinħeles. Il-karba ta' tifel li jinsab mingħajr imħabba tal-missier dejjem iġġib dieqa. Fuq kollox Salehi huwa marid serjament u mhux qed jingħata kura.

Dan il-blog iħeġġed il-qarreja jiffirmaw petizzjoni biex jinħeles Salehi fuq din il-link:

http://amnesty.org.uk/actions_details.asp?ActionID=386